حلويات اقتصادية وراقية جلجلانية معسلة للقلب بنينة وسهلة التحضير توالم كل المناسبات

حلويات اقتصادية وراقية جلجلانية معسلة للقلب بنينة وسهلة التحضير توالم كل المناسبات

المكونات (الكمية خرجتلي 18 حبة)

3 كيلات كوكاو محمص على بياض ومرحي أقل من المتوسط (500غ)
كيلة إلا ربع سكر عادي (200غ)
مبشور ليمون + فانيليا (ممكن اضافة عطر اللوز )
بيضة كاملة + صفار البيض (5)
نصف ملعقة كبيرة زبدة طرية

جلجلان (سمسم) محمص جيدا
بياض بيض
لوز للتزيين
عسل

طريقة التحضير

هاذ الحلوى راهي كيما المخبز أو مقروط الكوكاو ديروها بأي نوع مكسرات حسب الرغبة انا درتها بالكوكاو حمصتو على بياض يعني ماخليتوش يتحمر ورحيتو وهو ساخن (باش مايتعجنش) حتى يرجع نوعا ما أقل من المتوسط ثم غربلتو من الناعم حطيت 3 كيلات وكيلة إلا ربع سكر (بالنسبة للسكر رحيتو)
ونضيف مبشور الليمون والفانيليا ونضيف حبة بيض كاملة و5صفار بيض ونخلط جيدا ونعجن حتى يذوب السكر مبعد نضيف الزبدة وندخلها مليح فالعجينة حتى نتحصل على عجينة طرية لكن متماسكة في نفس الوقت (ماتكونش طرية فوق اللازم باش الشكل مايهبطش في الفرن) نخلوها ترتاح على الاقل ساعتين فالثلاجة ثم نشكلوها حربوش (مايكونش خشين) ندهنوه ببياض البيض ونرمدوه فالجلجلان المحمص (انا حمصتو مليح ولكن مايبانش فالفيديو ) نرشقو حبة لوز ونكمل ندهن الجوانب ونرمدهم فالجلجلان
نطيبوها في فرن مسخن مسبقا على 180° من 10 إلى 15 دقيقة حسب الحجم (قيس ماينشف البيض) ونعسلوها وهي ساخنة فقط نتركها قليلا حتى تتماسك لانو تكون طرية والعسل مايكونش جامد

اترك تعليقاً